No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Ka whakahaerea etahi mahi a te Whare i te tuatahi ka tae ki nga patai.

Whakapakoko Mo H. Tama-Hau Mahupuku.

Te Whiira (Mr. Field), (mema mo Otaki). — Ka patai ki te Minita Maori, Mo awhea ka whakaturia te whakapakoko hei tohu whakamaharatanga mo tenei rangatira o te takiwa o Wairarapa i mate nei mo Hamuera Tamahau Mahupuku?

Te Honore Timi Kara (the Hon. Mr. Carroll), (Minita Maori). — Ka whakautu, Kaore ano e taea i naianei e te Kawanatanga te whakarite he ra hei whakatunga mo tena whakapakoko, engari ka tahuritia tatatia kia whakaotia taua mahi.

Ka whakahaerea ano etahi atu patai ka tae ki te patai mo—

Te Akau Poraka.

Henare Kaihau (mema Maori mo te Tai Hauauru).—Ka patai ki te Minita Maori, Mehemea ka hanga e te Kawanatanga he ture i tenei tunga ano o te Paremete hei whakatutuki i te kupu tohutohu e mau nei i roto i te ripoata mo Te Akau poraka i tuhituhia e Henry Alfred Home Monro (Te Moanaroa) raua ko James Mackay (Hemi Make) nga Roiara Komihana i whakaturia i te marama o Pepuere i tenei tau hei uiui hei hanga ripoata hoki mo runga mo taua poraka?

Te Honore Timi Kara (the Hon. Mr. Carroll), (Minita Maori).—Ka whakautu, Kei te whiriwhiri te Kawanatanga i naianei i tena take, ara kia mahia he ture mo taua mea.

Pitihana A Kipa Whatanui.

Henare Kaihau (mema Maori mo te Tai Hauauru).—Ka patai ki te Minita Maori, Ka mahia ranei e te Kawanatanga he ture i tenei tau hei whakatutuki i te pitihana a Kipa te Whatanui kia ara he whakawa tuarua mo Te Pa-o-Taonui me Te Waka poraka, i te mea ka toru rawa nga ripoata whakaara i taua pitinana i whakaputaina e te Komiti mo nga Mea Maori i te tau 1891, 1894, me 1897?

Te Honore Timi Kara (the Hon. Mr. Carroll), (Minita Maori).—Ka whakautu, Kaore; kaore te Kawanatanga e whakaaro ana kia mahia he ture i tenei tunga o te Paremete hei whakatutuki i tena pitihana.

Haere tonu nga mahi a te Whare, a no te hawhe-paahi o te tahi karaka i te ata tu o te Taite ka hiki te Whare.