No te hawhe-paahi i te rua karaka ka noho te Pika ki runga ki tona nohoaiiga.

Ka karakia te Whare.

Whakatuwheratanga I Te Paremete.

Ka tae mai te karere a te Kawana ki te karanga i nga mema honore ki te Whare o te Runanga Kaunihera.

Heoi, haere ana te Pika ratou ko nga mema o te Whare ki te Whare Kaunihera, me te Haihana o te Whare i mua i a ratou, a kaore i roa ki reira hoki ana ratou ki to ratou Whare.

Te Whai-Korero a Te Kawana.

Te Pika (Mr. Speaker). — I haere tatou nga mema o tenei Whare ki te Whare o te Kaunihera i runga i te tono a te Kawana, a pat ana te Kawana ki te whai-korero ki nga Whare e rua o te Runanga Nui, a kia tino marama ai ta tatou hurihuri i nga korero a te Kawana mauria mai ana e au he tauira o ana kupu i whaka puaki ai, a i runga i nga Ruuri Pumau o te Whare nei tenei ka whakatakotoria e au taua tauira ki runga ki te teepu o te Whare. Ka whai-korero poroporoaki a te Raiti Honore Te Hatana (Pirimia), a Te Maihe (Mr. Massey) (mema mo Franklin.), me te Honore Timi Kara (Minita Maori) mo te matenga o te Honore Te Waaka (Hon. W. C. Walker), me te Honore Henare Tomoana.

Ka mutu, a no te tekau ma rima miniti ki te wha karaka i te ahiahi ka hiki te Whare.