Pire Reiti Whenua Maori.

I te taenga o te Pire ki te Komiti o te Kaunihera katoa, ka tae ki te tekiona 8. E mea ra kia tukuna nga whenua kaore ano kia utu reiti kia riro ma te Kaunihera Maori e whakahaere. Katahi ka motini a te Honore Mahuta kia patua atu taua rarangi. No te pootitanga ka kitea, kotahi tekau i pooti kia mau tonu taua rarangi, kotahi tekau ma rima i pooti kia patua taua rarangi. Patua ana taua rarangi. Ka tae ki te rarangi 14a ka motini a te Honore Mahuta kia whakaurua atu tenei rarangi kou, ara:—

"14a. Ahakoa nga here e whakaekea ana e nga Ture Whakahaere Whenua page 13Maori e etahi atu Ture ranei, e whakahuatia ana ranei i roto i nga Tiwhikete Taitara, Karauna Karaati, etahi atu taitara ranei e whakaputaina ana e te Kooti Whenua Maori me whaimana nga Maori whaitake o nga whenua e reititia ana i raro i nga tikanga o tenei Ture ki te riihi i o ratou whenna ina whakamanaia e te Kaunihera e tetahi Kaiwhakawa ranei o te Kooti Whenua Maori."

Kotahi tekau i pooti ki te whakauru atu i tenei rarangi. Kotahi tekau ma ono i pooti kia kaua e whakaurua atu. Hinga ana taua rarangi.