Nga Korero Paremete: 1904-1905
E nga Mema Honore o te Runanga Kaunihera,—
E nga Mema Honore o te Runanga Kaunihera,—
Nui rawa atu te pouri i ahau i taku rongonga kua hoki iho to koutou toko-mahatanga i muri iho i te tuunga o te Paremete kua mahue ake nei i runga i te matenga o te Honore William Campbell Walker, C.M.G., he maha nei ona tau e tu ana hei Minita mo te Karauna, a ko ia nei hoki to koutou Pika ingoa nui i te wa i mate ai ia. Kei te nui ano hoki taku pouri mo te matenga o te Honore Henare Tomoana. Na runga na te rangatira o tona tu i roto i nga wa raruraru o mua, me era atu mahi pai ana ki te koroni, ara mo te iwi Maori i tu nei ia hei tino mema pono mo ratou, na reira ka tika kia mau tonu te whakahonore ki a ia i nga wa katoa.
Kua whakaturia e au a te Honore Sir George Maurice O'Rorke, Knight, hei mema mo to koutou Kaunihera honore.