Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Pire Onepu-Rere

Pire Onepu-Rere.

No tenei ra ka takoto te motini kia panuitia tuatorutia tenei Pire.

Hone Heke (mema mo nga Maori o te Tai Tokerau). —E te Pika, he tu ake taku ki te whakahe i tenei Pire; e mea ana au kaua e pa ki te Tai Tokerau. I whakamarama ano ahau ki te Whare i te ra i komititia ai tenei Pire kei te rereke te ahua o te onepu o te Tai Tokerau i to te takutai o Taranaki. Timata atu i Maunganui Bluff ahu atu whakararo huri noa i te Rerenga-Wairua he rereke te ahua o te onepu o reira ki to te pito whakarunga net. Kaore e taea o raro onepu te arai e te marram grass; ka mate nga Pakeha me nga Maori o taua takiwa

ina paahitia tenei Pire. Ka whakahe ahau i te panuitanga tuatoru o tenei Pire.

Te Auhana (Mr. Houston, mema mo Peiwhairangi). — Kei te tino whakatika ahau ki nga korero a te mema honore kua mutu ake nei. He rereke te ahua o te onepu o te Tai Tokerau i o etahi atu wahi o te koroni. He mama to reira onepu, he kaha rawa te rere whaka-uta, kaore e taea te arai. Ka whakahe ahau i te Pire.

Kaore i rongo te Whare ki nga korero a Heke raua ko Te Auhana.

Paahitia ana te Pire.

Haere tonu etahi mahi, a no te rima meneti te paahitanga o te rua karaka i te po, ka hiki te Whare.