No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Tono Ki Nga Kaunihera Whenua Maori.

I runga i te tono a Hone Heke (mema mo nga Maori o te Tai Tokerau). —Ka whakahaua, kia whakatakotoria ki runga ki te teepu o tenei Whare he ritaana e whakaatu ana i nga tono katoa kua tae atu ki ia Kaunihera Whenua Maori i raro i nga tikanga o tekiona 35 o "Te Ture Whakahaere i nga Whenua Maori, 1900," a kua pewheatia aua tono.

Whenua Maori: Unuhanga Here.

I runga i te motini a Hone Heke (mema mo nga Maori o te Tai Tokerau), Ka whakahaua, kia whakatakotoria ki te

aroaro o tenei Whare he ritaana e whakaatu ana i nga tono unu here katoa kua tae atu ki te Minita Maori i muri iho i te paahitanga o "Te Ture Whakahaere i nga Whenua Maori, 1900," a kua pewheatia aua tono.

Mokau Poraka.

I runga i te motini a Hone Heke (mema mo nga Maori o te Tai Tokerau). —Ka whakahaua kia whakatakotoria ki te aroaro o tenei Whare he ritaana e whakaatu ana i te ahua o te taitara o Mokau Poraka i naianei, ara,—(1.) He aha te taitara tuatahi, a e whia nga Maori kei roto. (2.) He mea pewhea a Teone (Mr. Jones) i whiwhi ai i tana taitara ki taua whenua, a he pewhea hoki te ahua o tana taitara.

Haere tonu nga mahi a te Whare, a no te rua tekau meneti ki te tahi karaka i te po, ka hiki te Whare.