Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Taite, te 20 o Akuhata, 1903

Taite, te 20 o Akuhata, 1903.

No te hawhe-paahi i re rua karaka ka noho te Pika ki runga ki tona nohoanga.

Ka karakia te Whare

Pitihana Mo Te Honore Mahuta.

Tame Parata (mema mo uga Maori o Te Waipounamu). —Ka kokiri ahau i tetahi pitihana na nga Maori, e whakahe ana mo te panuitanga o Mahuta i roto i te Kahiti he kingi no nga Maori, a ka motini kia panuitia e te Karaka o te Whare, notemea na nga tino rangatira o Te A rawa taua pitihana. Katahi ka panuitia taua pitihana e te Karaka, a haukotia ana te panuitanga e.

Te Honore Ta Hohepa Te Waari (the Hon. Sir J. G Ward, Hekeretari o te Koroni). — Ka tu ake ahau ki te paina ota, ara, ko nga kupu o te pitihana e pa ana ki te Whare, apiti atu ki etahi mema o te Whare, a e kore rawa pea e tika kia whakaaetia tera ahua.

Te Pika (Mr. Speaker). —Ko te mea tika me matua titiro e te mema honore te pitihana e kokiritia nei e ia kia marama ai ia e rite ana ranei ona kupu ki nga ture pumau o te Whare kaore ranei.

Te Herihi (Mr. Herries, mema mo Pei o Pereti) —I mahara ahau kaore nga pitihana Maori e ekengia ana e nga ture o te Whare.

Te Honore Ta Hohepa Te Waari (the Hon. Sir J. G. Ward). —Taihoa e panui te pitihana kia whai taima te page 74Pika ki te titiro i nga kupu o roto. Mehemea ka ahei tetahi kai-pitihana (i runga anake i te mea he Maori ia) ki te korero whakakino mo te Whare katoa, pena me ta te mema honore mo Pei o Pereti e ki nei, heoi mehemea ka hoatu e tetahi Pakeha tana pitihana ma te Maori e kokiri ka ahei ia ki te korero whakakinikino mo nga mema katoa o te Whare.

Te Pika (Mr. Speaker). —I te mea kua mutu taku titiro i nga kupu o te wahi o te pitihana i whakahengia ; ki taku whakaaro kaore he kupu he i roto. E ki ana re kai-pitihana:—

" Mo te kupu a Henare Kaihau i korero ai ki te Kawana raua ko te Pirimia, i ki Tireni i whakatu i a Potatau te Wherowhero hei kingi mo ratou, tuku iho ki a Tawhiao, tuku iho ki a Mahuta, e korero pono atu ana matou ki to koutou Whare honore, he tino he taua kupu."

Kaore he kupu i roto i nga ture o te Whare hei arai i te kai-pitihana kia kaua ia e ki i he tetahi kupu a tetahi mema honore i whakapuakina ai i waho atu o te Whare Kaati, ka tirohia katoatia e au nga kupu o te pitihana kia kitea mehemea tera ranei tetahi kupu kei roto e rakahi ana i nga ture o te Whare.

Ka mutu tana titiro i te pitihana katoa,

Te Pika (Mr. Speaker). —Ki taku titiro kaore kau he kupu kino i roto. Katahi ka haere ano te panuitanga a mutu noa

Haere tonu nga korero a te Whare, taea noatia te weherua i te po.

No te hawhe-paahi i te rua karaka ka hiki te Whare.