Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

PITIHANA A ATIRAIRA NOPERA

PITIHANA A ATIRAIRA NOPERA.

Ripoata a te Komiti mo nga Mea Maori, o te Kaunihera, mo runga mo te Pitihana a Atiraira Nopera (Nama 8).

Mo runga mo te pitihana a Atiraira Nopera, inoi mai kia whakaaetia atu he whakawa tuarua mo tona kereme ki Whakapuaka Poraka, e penei ana te ripoata a te Komiti, ara :—

"I te tau 1898 i tukuna mai ki te Kaunihera tetahi pitihana penei ano te ahua, a Ngawaina Hanikamu te teina o Atiraira Nopera. I tino rapua katoatia aua take e te Komiti mo nga Mea Maori o taua tau, a whakataua ana kaore he page 14 take o te kai-pitihana. Na i tenei tau heoi ano nga putake i whiriwhiria e te Komiti ko nga kupu whakapae a Atiraira mo Huria Matenga. Koia nei te whaka-potonga o aua kupu whakapae, e penei ana, ara: I whakaae a Huria mana e whakahaere nga kereme o Atiraira me ona teina mo o ratou hea o roto o taua Poraka ; a kaore i whakatutukitia e ia taua kupu ana, me te kore whakaae ona inaianei ki te whakauru atu i a ratou ki taua Poraka. I tae mai ano ki te aroaro o te Komiti te Roia a te kai-pitihana, me te Roia ano hoki a Huria, engari kaore i taea e Huria te haere mai ki te aroaro o te Komiti. No reira ka tonoa atu e te Komiti ki te Kai-whakawa Tuturu o Whakatu, mana e patai a Huria i te aroaro o te Roia mo te kai-pitihana, me te whakaae atu kia patapataia a Huria e te Roia mo te kai-pitihana. Na i taua patainga i tino whakahe a Huria i aua kupu whakapae mona, a kaore hoki i he ana kupu i runga i te patapatainga a te Roia mo te kai-pitihana.

"Na i runga i tenei ahua, heoi ano ta te Komiti he ki penei na, kaore i whaka-ponoa aua kupu whakapae mo Huria. Ko era atu putake o roto o te pitihana kua oti katoa te whakatau i roto i taua ripoata o te tau 1898 mo runga mo te pitihana a Ngawaina Hanikamu. No reira, kaore he kupu tohutohu atu ma te Komiti.

"H. Wiremu, Tiamana."