.jpg)
Nga Korero Paremete: 1902-1903
Kura Maori Mo Te Atiamuri
Kura Maori Mo Te Atiamuri.
Te Herihi (Mr. Herries, mema mo Pei o Pereti). —Ka patai ahau ki te Kawanatanga, Mehemea ka whakaritea e ratou he moni hei hanga i tetahi whare kura ki Te Atiamuri? Ko tenei wahi, ko Te Atiamuri, kei waenganui o Rotorua me Taupo. Kua korerotia mai ki au tera e tae ki te rima tekau nga tamariki Maori, Pakeha hoki e tae ki taua kura. A ki te tu te mira a te Kamupane Mahi Totara ki taua wahi katahi ka maha rawa atu nga tamariki.
Te Mira (Mr. Mills, Minita mo nga Katimauta). — Kua tae te Kai-tirotiro mo nga Kura Maori ki taua wahi, a i ata whakaaturia ano e ia tera ia e haere atu ki reira ki te titiro i taua kainga; otira no te taenga o te Kai-tirotiro Kura ki reira, kihai te rangatira o taua kainga i tae atu kia kite i taua tangata, a tokowha tonu nga Maori i tae kia kite i taua Apiha. Ki taku rongo kaore e tokomaha ana nga Maori e noho tuturu ana i Te Atiamuri, i te mea kei tawhiti ke te kainga. Ki te tu he kura ki taua kainga tena pea e tae ki te tekau nga tamariki Pakeha e haere ki taua kura. Ma tenei ka kitea mo nga tamariki Pakeha ke te kura e tonoa nei, na reira ko te mea tika me ahu te tono ki te Poari Whakahaere Kura Pakeha. Otira waiho maku e uiui ano e titiro mehemea tera o taea te whakatu he kura huihui ki reira mo nga Maori me nga Pakeha.