Hone Heke (mema mo nga Maori o te Tai Tokerau) —Ka patai ahau ki te Kawanatanga, Mehemea tera ranei ratou, a muri atu i tenei pootitanga mema e haere mai nei, e whakahau kia hanga he pooti rouru mo nga Maori; a ki te whakaae ratou kia peratia, me puta he kupu ma ratou kia tiakina nga pukapuka pooti o tenei pootitanga e haere mai nei hei kaupapa mo taua rouru? Te take o tenei patai aku he whakaaro noku ki nga hiahia o nga mema o tenei Whare e mea nei me pera he tikanga mo nga Maori, kia kore ai e taea nga Maori, ina haere ki te pooti, te whakawehiwehi e nga rangatira.

Ta Hohepa G. Te Waari (Sir Joseph G. Ward, Minita Hekeretari mo te Koroni). —Kaore aku whakahe mo te tono a te mema honore e mea nei kia hanga he pooti rouru mo nga Maori mo te pootitanga mema i muri i tenei e haere mai nei.