Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Wenerei, te 24 o Hepetema, 1902. — Pitihana A Erueti Tamaikoha

Wenerei, te 24 o Hepetema, 1902.
Pitihana A Erueti Tamaikoha.

Ripoata a te Komiti mo nga Mea Maori (o te Kaunihera) mo runga mo te pitihana a Erueti Tamaikoha me etahi atu (Nama 15):—

Mo runga mo te pitihana a Erueti Tamaikoha me etahi atu e inoi mai nei kia ata whiriwhiria ano te roherohenga o Tahora Nama 2a Poraka, e penei ana te whakatau a te Komiti, ara:—

"Koia tenei te keehi a nga kai-pitihana:—

"I era tau o mua ake nei, i hokona e te Kawanatanga nga hea whaipaanga o etahi o nga tangata whaitake ki Tahora Nama 2a Poraka. I tae atu nga panui ki nga kai-pitihana whakaatu atu kia haere ratou ki te Kooti i Kihipane, kia whakataua te rohe i waenganui i te Kawanatanga me nga tangata whaitake kaore ra i hoko i o ratou paanga. Kihai ratou i kaha ki te haere atu ki te Kooti; a i taua tuunga o te Kooti i wehea atu te taha mo te Kawanatanga. Kaore o ratou whakahe mo taua Ota a te Kooti: Engari no muri tonu iho o te whaka-page 7taunga o taua Ota ka tahuri te Kooti ki te mahi i tetahi atu Ota roherohe mo te toenga o te whenua kaore ra i hokona, me te kore tae atu o etahi panui whakaatu atu ki nga kai-pitihana ka roherohea peratia ano taua whenua, a e ki ana ratou, i te mahinga o aua Ota roherohe pera i whakataua e te Kooti nga taha momona o taua Poraka ki etahi o nga tangata whaitake i tae atu ra ratou, to ratou kaiwhakahaere ranei ki te Kooti, no reira ka pa mai tenei mate nui ki nga kai-pitihana.

"Kua ata whiriwhiria e te Komiti taua Pitihaua, a kua tukuna atu hoki ki te Tumuaki o nga Kaiwhakawa o te Kooti Whenua Maori, a e ki mai ana ia kei te tika ano nga take e whakahuatia mai ana e nga kai-pitihana. E ki ana mai hoki ia, ko aua Ota ra kaore ano kia tuhituhia, a kaore i te tine mohiotia mehemea ka tuhia kaore ranei, i te mea hoki kaore i te mohiotia mehemea e whaimana ana aua Ota, notemea hoki e hara i te Kooti Whenua Maori nana i whakatau engari na te Kooti Whakamaua.

"E mahara ana te Komiti ko te mea tika me tuku taua pukapuka inoi a nga kai-pitihana ki te Kawanatanga kia ata whiriwhiria mai, a ki te marama e whaitake ana kia pera, me whakaae atu te tono whakawa hou.

"H. Wiremu, Tiamana.