Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1901

Turei, te 30 o Hurae, 1901

Turei, te 30 o Hurae, 1901.

No te hawhe-paahi i te rekau o nga haora i te ata ka noho te Pika ki runga ki tona nohoanga.

Ka karakia te Whare.

Ka whakahaerea ko nga patai, ka tae ki te patai mo—

Mangatoro Poraka.

O'meara (Mr. O'Meara, mema mo Pahiatua).—Ka patai ahau ki te Pirimia, A hea whakatuwheratia ai a Mangatoro Poraka hei noho ma te Pakeha? Ka patai ano hoki ahau ki te Pirimia mehemea ranei tera e hokona e te Kawanatanga i nga Maori nga eka tekau ma tahi mano, a e riihitia nei e ratou ki te Kamupane? Kua rongo ahau kua tae te kupu a nga Maori ki te Kawauatanga, he whakaatu i ta ratou utu e pai ai mo taua whenua, a ki taku rongo he mama te utu e tonoa ana e nga Maori, na reira he mea tika kia hokona taua whenua i nga Maori kia wawe te haehaea atu me te tuku atu kia nohoia e te Pakeha. Heoi ka tumanako tonu au tera e tere te hoko a te Kawanatanga i te waahi o taua poraka kei nga Maori.

Te Hetana (Mr Seddon, Pirimia). —Ko te patai e penei ana mo a hea hokohokona ai e te Kawanatanga a Mangatoro ki te Pakeha? Ko te utu mo te patai e penei ana, kei te tahi o nga ra o Aperira te tau, 1902, e riro mai ai te whenua i te Kawanatanga, a hei te tahi o nga ra o Hanuere, 1903, e tukuna ai taua whenua ki te makete, ara, e hokohokona ai ki te Pakeha. Na, mo te taha ki te wahi o taua whenua kei nga Maori ano, kaore e tika kia whakina atu o te Kawanatanga whakaaro mo taua wahi o te whenua.

Ka haere tonu etahi mahi, no te hawhepaahi i te tekau karaka i te po ka hiki te Whare.