Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1901

Wenerei, te 24 o Hurae, 1901

Wenerei, te 24 o Hurae, 1901.

No te hawhe-paahi i te rua ka noho te Pika ki runga ki tona nohoanga.

Ka karakia te Whare.

Ka whakahaerea tetahi Pire, ka mutu tera ka mahia ko nga patai.

Nga Waiariki I Rotorua.

Te Whitiwhata (Mr. Witheford, mema mo te Taone o Akarana).—Ka patai ahau ki te Kawanatanga, Mehemea tera e whiriwhiria e ratou etahi tikanga e whakapaia ai nga waiariki i Rotorua, a e hokona ai i nga Maori nga whenua waiariki o reira? Ka whakaatu ahau ki te Minita page 30mo nga Reriwe, ko te mahi a nga Maori o reira he tono i te moni e wha hereni mo ia tangata e haere ana ki te matakitaki i nga waiariki o reira. Ki taku he pai rawa mehemea ka whakakorea atu te taitara o nga Maori ki nga waiariki, kia riro ai ma te Kawanatanga anake e whakahaere aua mea.

Te Waari (Sir J. G. Ward, Hekeretari mo te Koroni).—Kei te whakahaerea etahi tikanga e te Kawanatanga e pai ate ai nga waiariki, engari e kore te Kawanatanga e hoko i naianei i nga whenua waiariki o nga Maori o Rotorua.

Nga Hapu o Rangitane Me Ngatikuia.

Tame Parata (mema Maori mo Te Waipounamu).—Ka patai ahau ki te Kawanatanga, Mehemea ka hanga e ratou he ture e ahei ai kia whakaputaina atu he tairara ki nga tangata o nga hapu o Rangitane me Ngatikuia e noho ana i te takiwa o Te Hoiere me Wairau mo nga whenua a te Kawanatanga i hoatu ai ki a ratou, i te mea he tangata whenua kore, ratou i mua tata ake nei. a e nohoia mai nei e ratou aua whenua i naianei? Na aua tangata ahau i t no mai kia whakaaria atu e au tenei take nui ki te Kawanatanga Ko nga tangata o aua hapu kua whakahuatia ake ra e au e tino hiahia ana kia whakaputaina he taitara mo nga whenua e nohoia ana e ratou, a ka noho tumanako tonu atu au kia whakaaetia e te Minita tenei tono aku.

Timi Kara (Mr. Carroll, Minita mo nga Mea Maori).—Ko nga whenua i hoatu mo nga Maori whenua kore o Te Waipounamu, he mea wehe atu i raro i nga tikanga o wahanga-tekiona (6) o tekiona 235 o "Te Ture Whenua, 1892." Tera pea e tupono ma te mana ture anake ka taea ai te whakaputa atu he taitara mo aua whenua i rahuitia peratia, a i wehewehea hoki i waenganui o aua tangata. Tae mai nei ki naianei heoi te mea kua oti ko te hoatu i etahi whenua ki etahi iwi me nga hapu wehewehenga o aua iwi— kaore ki nga tangata, engari ki nga hapu. Mehemea e tino tohe ana nga Maori kia ata whakaputaina he taitara mo te paanga whenua o ia tangata kotahi, kaati, e noho whakaae ana te Kawanatanga kia whakaarohia taua take i runga i tera ahua.

Ka haere tonu nga mahi, a no te rima meneti te paahitanga o te toru karaka i te po ka hiki te Whare.