Hikitanga O Te Whare

Te Hetana (Mr. Seddon, Pirimia). —Ka motini ahau kia hikitia te Whare. No te tukunga o te patai pooti ana te Whare.

Koia tenei e whai ake nei te rarangi o nga mema i pooti.

Te putanga 9.

Whakaaetia ana te motini.

Te Tepute-Pika (Mr. Deputy- Speaker).—I mua o taku hekenga iho i taku nohoanga e hiahia ana ahau ki te whakaputa i etahi kupu ki nga mema honore. Koia tenei, he whakawhetai atu naku ki te Pirimia mo te pai o ana korero moku i runga i taku mahi e tu nei au hei Tepute-Pika mo te Whare. A. mo te taha ki a tatou katoa, ki nga mema honore o tenei Whare, kei te pouri ahau mo te roa o te mate e pa ana ki to tatou Pika, ki a Sir Maurice O'Rorke, i kore ai ia e kitea ki konei hei tumuaki whakahaere i a tatou mahi. Ka whakawhetai atu ano hoki ahau ki nga mema honore mo te pai o ta koutou tautoko i au i runga i nga mahi o tenei huihuinga roa o te Paremete. E tumanako ana ahau tera ano tatou e huihui mai ano ki konei a tera tau ki te whakahaere i a tatou mahi mo te iwi He kupu ano tenei, ara, he whakawhetai atu naku ki nga apiha o te Whare mo to ratou nei kaha hoki ki te tautoko i au i runga i aku mahi i te Whare nei.

Meiha Tuati (Major Steward, mema mo Waitaki).—Me tu ake hoki ahau ki te whakaputa i aku whakawhetai ki te Kawanatanga me te Whare mo te pai rawa o a ratou kupu moku mo runga i aku mahi e tu nei au hei Tiamana mo te Komiti Nui o te Whare nei.

Hiki ana te Whare.

No te toru o nga haora i te ahiahi o te Paraire i hiki ai.