Huhuinga O Te Paremete A Te Tau 1902.

Te Arena (Mr. J. Allen, mema mo Bruce).—Ka ui ahau ki te Pirimia i tetahi patai, koia tenei. Kua paahitia tetahi moni, ara, kua whakaritea e tenei Whare tetahi moni hei hari i te Pirimia ki Ingarangi a te marama o Hune e haere ake nei, kia kite i te Whakawahinga o te Kingi. Na reira e hiahia ana ahau kia whakaaturia mai mo a hea huihui ai te Paremete a te tau e haere ake nei.

Te Hetana (Mr. Seddon, Pirimia). —Ki ta te Kawanatanga whakaaro kaore e rereke te wa e tu ai te Paremete a tera tau. I puta ano he kupu me tere te huihui o te Paremete a tera tau, oira kaore te nuinga o nga mema i pai ki tera; engari ki te haere ahau ki Ingarangi i runga i taua mahi nui, kei te mohio ahau ka taea noa atu e aku hoa Minita te whakahaere o nga mahi o te Paremete i au e ngaro atu ana. A e tumanako ana ahau ki te haere ahau ki Ingarangi, a ina hoki mai au i reira, tera e puta he painga ki te koroni me te iwi katoa i runga i taua haere aku.