Hohaia Patuone.

Hone Heke (mema Maori mo te Tai Tokerau).—Ka patai ahau ki te Kawanatanga, Mehemea ka whakaarahia ranei e ratou he pou kohatu tohu whakamaharatanga mo te urupa o Hohaia Patuone, i te mea ko taua kaumatua he tino rangatira no tona takiwa, he iramutu hoki na Tamati Waaka Nene.

Timi Kara (Mr. Carroll. Minita mo nga Mea Maori).—Kua tuku patai ahau mo runga mo tenei take, engari ko nga whakautu kaore ano i tae mai ki ahau. Otira i runga i te ritenga whanui ko te hiahia o te Kawanatanga he whakahoncre i nga ingoa o nga tupapaku nunui, rangatira, o te iwi Maori puta noa i nga wahi katoa o te koroni, e pa nui ana o ratou ingoa ki nga korero tawhito o te koroni. Kei te mohio ahau ki te whanau o tenei tupapaku e patairia nei, engari kaore au i te mohio ko tenei ranei tetahi o nga tangata i uru nui atu ki nga mahi o aua ra. Ki taku mohio kua whakaturia pea e matou he pou kohatu mo tona matua. Kaati, ka wkakaarohia e te Kawanatanga tenei take, a mehema ka kitea e ratou kaore ano i ata tutuki tika he whakahonoretanga mo taua whanau, katahi ka whakaturia te pou kohatu e tonoa nei e te mema honore.