Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1900

Pire Kaunihera Maori

Pire Kaunihera Maori.

No te tukunga o te patai, kia whakaaetia kia whakaurua te Pire ki te Whare, ka tu ake a—

Kapene Rahera (Captain Russell, mema mo Haaki Pei).—Kaore au e mohio ana ki te ahua o tenei Pire, otira ka whai ano pea te Pirimia i nga tikanga o mua, ara, tera e tukua atu te Pire ki te Komiti mo nga Mea Maori. Ki te whakaae te Pirimia me tuku te Pire ki taua Komiti, heoi ano, kua kore aku nei whakahe ki te motini e mea nei kia whakaurua te Pire.

Te Hetana (Right Hon. Mr. Seddon, Pirimia).—Kaore e taea e au te whakaae atu o ta te mema honore e tono nei; na reira ka mea atu au ki taua mema honore kia unuhia atu tana tono. Kaore ano te Pire i tuhaina ki nga mema, a tena pea kei te kitenga o te mema honore i te Pire, me nga mana e meatia ana kia hoatu ki nga Maori i raro i taua Pire, tena pea e mutu tana tohe.

Hone Heke (mema Maori mo te Tai Tokerau). — Kua ata whiriwhiria tenei Pire e nga tamariki o te Kareti i Te Aute, a ehara te Pire i te mea tauhou ki nga Maori.

Te Herihi (Mr. Herries, mema mo Pereti Pei).—Ka patai atu ahau mehemea hei whakakapi tenei Pire i te Pire Maori kua oti i mua ra te tuhatuha ki nga mema.

Te Hetana (Right Hon. Mr. Seddon).—He Pire ke noa atu tera, he Pire ke tenei.

Whakaaetia ana te motini.

Heoi panuitia tuatahitia ana te Pire.

Haere tonu nga mahi a te Whare.

No te tekau ma rima meneti ki te toru karaka i te po ka hiki te Whare