Turei, 2 Oketopa, 1900.
Horowhenua Poraka.

Te HonoreRiki. — He patai atu tenei naku ki te Minita mo nga Kura, mehemea ranei kua whakaputaina he tiwhikete whaitaketanga i runga i nga tikanga i whakaritea i roto i te wahanga (a) o te tekiona 8, i runga hoki i nga tikanga o nga tekiona 4, 5, me te 6 o "Te Ture mo Horowhenua Poraka, 1896"; a mehemea kua puta aua tiwhikete, nonawhea i puta ai? I tuku patai penei ano au i tera wiki, engari kihai i marama te utu mai, no reira ka patai atu ano au kia puta mai ai he utu marama mo runga mo aua putake. I runga i te ahua o taua kupu utu mai mo taku patai, tera te Kaunihera e whakaaro kua whakaputaina nga tiwhikete i whakahaua ra kia whakaputaina i raro i nga tikanga o "Te Ture mo Horowhenua Poraka, 1896." No muri mai o tera patainga atu aku ka tukuna atu e au he waea ki tetahi hoa ano oku—he kaiwhakamaori whai raihana—he tono atu naku kia pataia e ia te tikanga, a kua tae mai tana whakahoki mai, e penei ana, ara, "Kaore ano he tiwhikete mo Poraka 9 mo te 11 ranei — Kita Maketonore." Heoi ano taku e tono atu nei ki te Tari, ara ki te Minita ko ia hoki te mangai o te Tari, ki utua ponotia mai taku patai, a e tino hiahia ana au kia marama te utu mai i taku patai, notemea hoki ka tohe tonu atu au kia utua tikatia mai.

Te HonoreTe Waaka. — Kahore au i te mohio no wai te he, engari i pohehetia te whakahaerenga. Ko nga tiwhikete mo nga Wahanga 6, 9, 11, me te 14 kua oti ke a kua rite kia tangohia atu i page 7roto ano ia i nga marama o te tau 1899. Ko te tiwhikete mo te Wahanga 6 kua oti te, kua rite kia tangohia, atu i te 16 o nga ra o Akuhata, 1899; Ko te tiwhikete mo te Wahanga 9 kua oti kua rite kia tangohia atu i te 11 o Tihema, 1899; ko te tiwhikete mo te Wahanga 11 kua rite kia tangohia atu i te 20 o Maihe, 1899; a ko te tiwhikete mo te Wahanga 14 kua rite kia tangohia atu i te 14 o Hanuere, 1899. Ko tona tikanga ia mo aua mea, ki te tae atu he tangata ki te Kai-rehita Takiwa Whenua i Poneke, me te mau atu i te pupapuka whakamana i a ia he mea haina na nga tangata whaitake o roto o ia tiwikete, me te utu atu i nga moni mo te tiwhikete ka mana ia ki te tango atu i te tiwkikete mo te whenua. Koia tera te tikanga ki ta te ture, a e tino pouri ana ahau i te mea kaore i ata whakamaramatia atu. I te takoto kau aua tiwhikete i roto i aua marama nei, kua oti ke te mahi.