Paraire, te 14 o Hepetema, 1900.
Pitihana a Maraea Mautaranui (Emily Maria Fulloon).

Te ripoata a te Komiti mo nga Mea Maori mo runga mo te pitihana Nama 15 a Maraea Mautaranui.

"Mo runga mo te pitihana a Maraea Mautaranui, e inoi ana kia whakaaetia atu kia utua ki a ia he moni kia rima rau pauna (£500) hei utu mo nga whenua o tona matua, hei utu hoki mo te matenga o tona matua i a ia e tu ana hei kaimahi ma te Kawanatanga. E penei ana te whakatau a te Komiti, ara:—

"1.	I te tau 1891 me te tau 1892 ano hoki i tukuna atu he pitihana penei ano me tenei te ahua ki te Paremete, a ko te whakataunga a te Komiti mo nga Mea Maori o te Whare o Raro i ahua whakaae atu ki nga tono o roto o aua pitihana.
"2.	E ki aua te Kaipitihana no muri iho o te whakataunga a te Komiti i te tau 1892 i ki atu te Pirimia raua tahi ko te Minita mo nga Mea Maori, kua whakaaetia te tika o tana tono, a tera e whakaritea atu tana tono.
"3.	E tautoko ana tenei Komiti i nga whakataunga a aua komiti e rua nana ra i whiriwhiri aua take, a e mahara ana hoki te Komiti me kaati to whakaroa noaiho, engari me tuku atu he oranga mo te Kaipitihana.