Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Petitions Presented to The House of Representatives

Ki te tino Runanga Nui o Niu Tireni e noho nei i Poneke

Ki te tino Runanga Nui o Niu Tireni e noho nei i Poneke.

Turanga, Hurae 8, 1867.

Ko te inoi tenei o o koutou tangata pono o o koutou hoa aroha o nga tangata o Turanga e mea ana.

He nui te pouri o matou e noho nei, ko to matou hiahia nui, ko to matou tino whakaaro, ko te noho tuturu i raro i te maru o to tatou Rangatira o te Kuini; ko ia ano hoki to matou matua, heoi ko o matou mate enei ka whakapuakina e matou Kia koutou.

He inoi tonei na matou ki a koutou, kia tirohia e koutou o matou mate, me nga whakararuraru-tanga, me nga taumahatanga e whakapurangatia aua kia matou i roto i nga marama katoa kua pahemo nei.

Ko eneinga pouri ki a matou ko o matou whenua e tohea tonutia ana e te Kawanatanga kia riro i a ratou, kua rua nei nga tau kua pahemo i muri o te whawhai ki tenei tara wahi o te motu net, mutu tonu te whawhai ka riro etahi o nga tangata o konei ia a te Kawanatanga te mau atu ki Wharekauri, ko te whenua i waiho marire kihai i puta tetahi kupu kia riro o matou piibi. Kihai i puta mai tetahi panuitanga a te Kawanatanga ki a. matou kua riro tenei whenua i te ran o tana patu heoi ka whakaaro matou, heoti tonu te mate mo tenei iwi ko nga tupapaku i hinga, ko nga tangata i riro herehere atu ki Wharekauri; tena ko tenei, kua maroke noatu te toto i roto i nga tau erua kua pahemo nei, katahi ano ka puta mai te kupu a te Kawanatanga ki a matou kia murua o matou whenua, no roto i tenei tau taua kupu, mehemea i puta mai taua kupu i te takiwa o te whawhai kihai i tino kaha to matou pouri, ahakoa kihai matou i uru ki te hara o to Hauhau. Whakarongo mai ra e te Runanga Rangatira, he nui te pouri ki a matou i naianei mo nga mahi a te Kawanatanga ki te tawai tonu i a matou kia whakaaetia e matou kia tukuna atu te wahi raorao katoa o tenei whenua, na matou na nga Rangatira i noho pai te nuinga o te whenua, heoi, ko te utu tenei mo to matou noho pai kia tere matou ki te wai: no te tau kua pahemo nei, i te marama o Hune, ka tae etahi pukapuka a etabi o matou ki te Kooti Whakawa whenua Maori kia whakawakia etahi take whenua a matou, hoki mai ana te kupu a te Kaiwhakawa, a Te Penetana mea ana, " e pai ana, otira me ruri te whenua i te tuatahi a ka oti, katahi ka whakawa," no muri iho ka puta mai nga panuitanga ki a matou "ka tu te Kooti Whakawa whenua Maori, a te tekau ma rua o nga ra o Hepetema, 1866," i puta pono mai aua panuitanga ki a matou, otira ko te panuitanga mo te rironga o te whenua o tenei tahatika kihai i puta mai ki a matou, I huihui rawa matou ki Turanganui i to ra i whakaritea ai e Te Penetana, kihai i tu te Kooti, heoi ka whanga marire matou kia rongo i te take, kihai rawa i rongo, kihai hoki tetahi panuitanga i puta mai i taua taima kia riro.te whenua, otira i tuarua te panuitanga mo Te Kooti, puta mai ana taua panuitanga mea ana, "ka tu te Kooti i te rua te kau ma rima o nga ra o Oketopa, 1866," huihui rawa matou ki reira, kore noa iho, heoi ka kini matou he aha ranei te take o tenei tikanga e whaka-poraru tonu nei i a matou, ka roa to matou kimihanga, katahi matou ka rongo i te kupu tango i te whenua, ko nga kupu whakaora i te tuatahi, ara, ka tu to Kooti Whakawa Whenua ki konei, muringa iho ko te kupu whakamate, ara, ko te tango whenua. Heoi, ka maha nga marama i whanga marire ai matou kia ora matou i runga i te ture kore noa iho. I kaha tonu matou ki te tono i te Kooti i aua marama, i kaha tonu hoki a Te Piki ki te tohe i to matou whenua kia whakaaetia, kia tukuna, katahi matou ka whakaae atu ki a ia tetahi pihi whenua, he pihi nui noatu he iti rawa te wahi i mahue atu ki a matou, ko te nuinga o taua whenua na matou, na te taha i te taha Kawanatanga, otira te take i whakaae ai matou he hoha no matou ki tona tawainga i a matou, me to maha o nga kupu whakawehiwehi a te Kawanatanga ki a matou, kihai ia i pai ki ta matou i whakarite ai, ko tana i pai ai kia riro te raorao katoa i a ia, kia tere matou katahi ka puta mai tana ki ki a matou, ka mauria mai e ia te Kooti Tango whenua, katahi ano matou ka rongo i tenei ingoa mo te Kooti, miharo ana matou, ko wai, ka whanga marire matou ko te Kooti

Whakawa Whenua i whakarites kia tu i te toru o nga ra o tenai marama, a tae mai ana nga Kai whakawa kathi matou ka whakaaro ko te orange pea tenai mo matou. Aue! No hea te orange, tea rawa mai tutakina tonutanga e Piki, ara e te Kawanatanga, a i naianei e ki ana, ka rapua ano he tikanga ki a koutou ki te Runanga hei whkahe i a matou; na reira matou Rangatira ka kimi whakaaro i roto i a koutou kia whakaorangia matou me o matou whenua.

Ko nga tangata i huihui ki tenei Kooti he maha noa atu, i Waiapu mai a puta noa ki te Wairoa, kihai i whakaarohia e Te Kawanatanga to matou huihui huhuakore i era taima e rua, taea noatia tenai, page 10me o matou whenua i tukuna ai e matou ki te Kooti, ko etahi o aua whenua kihai i tukuna e te Kawanatanga kia ruritia e matou: ka peke ra o a matou kupu, ko tenei anake, kua maroke noa atu te toto i era tau e rua kihai i puta te panuitanga tango whenua i taua taima, a heaha te hara o tenei tau. j hapainga ai taua whakaaro i naianei? whiriwhiria marietia to matou inoi, ko koutou hoki nga. "Rangatira kua whakaritea hei rapu tikanga hei whakatupu i te rangimarie i roto i te motu nei; na reira matou ka inoi tonu ki a koutou. Ko te putake o tenei he na Taranaki, ehara la matou. Ka inn. Na o koutou hoa aroha i runga i to ture o to to tatou Tino Ranagatira o Te Kuini.

[Here follow Signatures ]