Ki te Runanga Nui o Niu Tireni.
He knpu inoi tenei, na matou ki to koutou Whare Rangatira kia whakapuaretia te tutaki i Ohau puta noa ki Rangitikei, kia tukua mai te Kooti whakawa whenua Maori ki runga i to matou whenua; he kupu kaha rawa tenei na matou ki to koutou Whare Rangatira kia whakapuaretia te whakawa ki to matou whenua, ta te mea e noho mate ana matou i te kore ture e puta ki runga i to matou whenua, na i timata te raruraru o to matou whenua i te tau 1863, tae noa ki tenei wa, na ko tenei Aue! te mate i a matou, ma wai ra matou e whakaora i te tinana o tenei mate nui ? koia matou ka inoi atu nei ki a koe e te Runanga Nui o Niu Tireni kia tukua mai he ora kia matou.
Ko nga ingoa o nga tangata o to matou hapu o Ngatikauwhata, ka tuhia ki raro iho nei.