No. 232, 1898 (Mr. Parata).
Ki te Tumuaki me nga Honore Mema o te Whare Paremete o Niu Tireni e noho huihui ana ki Poneke: Tena koutou.

He pitihana tenei na matou na te iwi o Ngaitahu e noho huihui ana ki Kaiapoi

E pitihana ana o koutou kai-pitihana mo te Pire i puta i te Kahiti o te 5 o nga ra o Mei, i te tau 1898, ko te Pire e kiia ana ko "Te Whakarapopototanga i nga tikanga o te Ture Tiaki Whakahaere hoki i nga whenua Maori" (ara, ko te Poari whakahaere i nga whenua Maori). Kia kaua e pa mai ki a matou ki Te Waipounamu nei, i runga i tenei take: Ko o matou paanga whenua he iti noa iho e hoatu rawa ai ma te Poari e whakahaere, ka taea noatia iho e matou te whakahaere—ina hoki: Kaore ano i puta he raruraru i waenganui i a matou me o matou kai riihi i enei tau kua hori ake nei.

A ka inoi tonu o koutou kai-pitihana.