Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Papers Relative to the Native Meeting Held at Peria, in October, 1862

Enclosure 1 in No. 16

Enclosure 1 in No. 16.

Puhirua, Nowema 3, 1862.

Kia Tutanekai, otiia kia Te Waiatua, kia Pekamu Tohi, kia Tukihaumene, kia Hori Te Haupapa, ko Akuata.

E hoa ma. Kua tae mai matou i Peria, kua kite matou i te komiti a Tamehana: te putak tana huihui, ko nga rori kua kati, te tuarua ko te reti kua puru, te tuatoru, ko te riri a te takana raua ko te teina ki to raua whenua me mutu o raua ringa taimaha; te tuawha, ko nga pakeha Maori e noho takitahi ana i roto i te tangata Maori kia atawhaitia ena; te tuarima, ko nga nama a nga pakeha a nga tangata Maori me puta katoa te utu mo nga taonga a mua o naianei. Ki te homai taonga ano te pakeha i muri i enei tore kua takoto nei, kaore e puta te utu; te tuaono, ko te whakawa a te Kingi raua ko Te Kuini kua tu ke, na te mea ekore e pai kia whakawa te Kuini ki te Kingi, tuawhitu, kia atawhai ki te pouaru, ki te pani, ki te tutua, ki te manene.

Ko enei kua tino kiia e te iwi katoa hei tino ture mo Aotearoa katoa. No te 24 o nga ra o Oketopa ka whakapumautia e nga rangatira o te motu nei. No 21 ka tae mai a Matutaera Potatau kia kite i te iwi.

Tana kupu tuatahi, " Haere mai, e te iwi;" te kupu " kia mate ki te whakapono, kia atawhai ki te tangata, na te mea he kiri mangu tatou, he kiri ma te pakeha": ka mutu ngu kupu, he waiata.

Na te Atua ranei koe, na
Te wkakahi, na te aukume
I korupatukia.I tangihiapea
Ka huri.

Ka tu ko Ngakapa Te Horeta "Whakarongo mai e nga iwi o te Kingi. Ko Tararu ka whiua kia koe: tona take he moni mau e keri ma nga iwi kotoa o Aotearoa, me hou koe ki kona ake tonu atu; ko nga whenua katoa kei te ringa anake o te Kingi puta noa te motu nei. Ka huri".

Na kaingarara, Otiia na te Runanga whakariterite o Tawakeheimoa, na Te Katene hoki te Rumaiti. E hoa ma. He tika iana.

Kia Pekamu,
Kia Tutanekai.