Ka tukua atu kia koutou Kia rongo ai koutou ki nga ritenga o tenei huihunga ko te tua tahi ko Mangatawhiri kaua e whiti te rori 2 ko Waikato. Kaua e rere te tima i roto i Waikato engari kia kotahi te whakaaro a Te Kawana ka pai hoki ta nga Maori. 3 Ko Waitara kia whakawakia ki te ritenga o te ture. Kua whakaae hoki nga rangatira katoa o Waikato kia haere mai a Kawana Ki roto o Waikato ara ki Tamahere he huihuinga mo nga rangatira katoa o te motu nei hei kitenga hoki i a Kawana hei whakapuakanga i a ratou whakaaro kia rongo ai i a ia ratou whakaaro kia rongo hoki matou i ana whakaaro. E hoa e te Hareti tena pea etahi tangata te haere atu na he karere mo Te Kawana ara he whakarongo i tona kupu whakaae ki te haere mai. Kia mohio ai nga tangata i te haerenga mai o Te Kawana. Na ta koutou hoa aroha e tuhituhi-atu nei na,,