Ka Panuitia atu e au, te Tiriti o Waitangi koia tenei te whakamaoritanga.

Ko Wikitoria te Kuini o Ingarangi i tana mahara atawhai ki nga Rangatira me nga Hapu o Niu Tireni i tana hiahia hoki kia tohungia ki a ratou o ratou Rangatiratanga me a ratou whenua, a kia mau tonu hoki kia ratou, kua whakaaro ia, he mea tika kia tuku a mai tetahi o nga Rangatira hei kai whakarite ki nga tangata ta Maori o Niu Tireni, kia whakaaetia e nga Rangatira Maori Te Kawana-tanga o te Kuini ki nga wahi katoa o te whenua nei me nga motu, na te mea hoki he toko maha ke nga tangata o tona iwi kua noa ki tenei whenua, a e haeremai nei. Na ko te Kuini e hiahia ana kia whaka-ritea te kawanatanga, kia kaua ai nga kino e puta mai ki nga tangata Maori, ki nga Pakeha e noho ture kore ana.

Na kua pai te Kuini kia tukua ahau a Wiremu Hopihona he Kapitana i te Raiara Nawi hei Kawana mo nga wahi katoa o Niu Tireni e tukua aia nei a mua atu ki te Kuini. E mea atu ana ia ka nga Hapu o Niu Tireni me nga Rangatira mo enei Ture ka korerotia nei.

Tuatahi.—Ko uga rangatira o te whakaminenga me nga rangatira katoa hoki kihai uru ki tana whakaminenga ka tuku rawa atu ki te Kuini o Ingarangi ake tonu atu Te Kawanatanga katoa o o matou whenua.

Tuarua.—Ko te Kuini o Ingarangi ka whakarite ka whakaae ki nga rangatira ki nga hapu ki nga tangata katoa o Niu Tireni te tina rangatiratanga o o matou whenua o ratou kainga me a ratou taonga katoa oti ra ko nga rangatira katoa atu ka tuku kia te Kuini te hoko o era wahi whenua ki te pai te tangata nona te whenua ki te ritenga o te utu e whakarite ai e ratou ko te hoko e meatia nei e te Kuini hei kai hoko mona.

Tuatoru.—Hei whakaritenga mai hoki tenei mo te whakaaetanga ki te Kawanatanga o te Kuini kataikina e te Kuini o Ingarangi nga tangata Maori katoa o Niu Tireni. Ka tukua kia ratou nga Tikanga katoa rite tahi ki ana mea ki nga tangata o Ingarangi.