Whakamaramatanga O Nga Take E Wha.
Ko nga korero whakamarama a H. Mangakahia i roto i te Hui i tu ki te Waipatu, Ahuriri, i roto i nga ra o Hune, 1892. Mo roto i nga whai korero a te Tumuaki Henare Tomoana i te 14 o nga ra o taua marama. I mea taua whai korero, i te mea he whenua hou tenei he whare hou hoki no te tunga o te Tiriti. Kua nui rawa hoki te tokomaha tanga o nga Rangatiratanga, kua uru hou mai ki roto i te Runanga whiriwhiri, i runga hoki i te wahanga o nga motu erua nei kia waru, wehenga whakaritea ana hoki kia tekau ma rua mema mo roto i te wehenga kotahi no reira.
Kua metia e te komiti whakahaere i nga ritenga o te tunga o tenei Tiriti ki te Waipatu nei kia Panuitia katoatia atu ki tenei Huihuinga Ariki me nga Rangatiratanga honore, nga korero o te Tiriti o Waitangi i tu ra i te 14 o nga ra o Aperira, 1892. Koia te take i korero ai a H. Mangakahia i nga korero a Heta Tehaara, i te 14 Aperera, 1892, i te Tiriti o Waitangi.