Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

A Compendium of Official Documents Relative to Native Affairs in the South Island. Volume Two.

No. 4. — Copy of Deed of Sale of Land North of Aorere, Collingwood, Province of Nelson

No. 4.
Copy of Deed of Sale of Land North of Aorere, Collingwood, Province of Nelson.

Deed of Sale.
£550.
Ngatitoa, Ngatiawa, Ngatirarua, and Ngatitama Tribes.

Ceding land to the North of Aorere, Collingwood, to Her Majesty.
Dated 15th May, 1852.

Tenei ano te pukapuka tuku whenua e wakaaetia ana e tenei tahi tekau ma rima o nga ra o Mei, 1852, e Wiremu Kingi te Koihua, Tamati Pirimona Marino, Tepene Rakaherea, Rawiri Watino, Te Wirihana, he tangata Maori no te Taitapu i Niu Tireni, e Rawiri. Puaha me Hohepa Tamaheinga he tangata Maori no Porirua, e Hemi Kepa te Iti he tangata Maori no Motueka, e Wiremu Nga Manu he tangata Maori no Wakapuaka, e Maka Tarapiko he tangata Maori no Kaiau, me etahi tangata Maori na ratou nga ingoa kua tuhituhi ki te pukapuka nei na ratou ake ano mo nga tangata katoa hoki i a ratou te tikanga mo nga whenua e karangatia ana ki raro nei e wakaaetia ana e aua tangata Maori katoa ratou me te Kuini Wikitoria te Ariki nui o Ingarani, Inahoki kua wakaae katoa aua tangata Maori kia utua ki te Retimana te Tino Kai Wakawa o te Kuini i Wakatu mo te Kuini Wikitoria nga whenua e karangatia ana ki raro nei mo nga moni erima rau e rima te kau o nga paunu. Koia ra hoki tenei te tino tikanga o tenei pukapuka no te page 378mea kua utu inaianei aua pauna erima rau erima te kau kia Wiremu te Koihua me nga tangata na ratou nga ingoa kua oti te tuhi ki raro iho nei mo ratou ake ano mo nga tangata katoa hoki no ratou te tikanga mo nga whenua e karangatia ana ki raro nei, e wakaae nei a Wiremu Kingi te Koihua, Tamati Pirimona Marino, Tepene Rakaherea, Rawiri Watino, Te Wirihana, a Rawiri Puaha, a Hohepa Tamaheinga, a Hemi Kepa te Iti, a Wiremu Nga Manu, a Maka Tarapiko me nga tangata katoa hoki na ratou nga ingoa i raro nei, e wakaae ana ratou mo ratou ake ano mo nga tangata katoa atu hoki i a ratou he tikanga mo aua whenua kia tukua rawatia atu ki te Kuini Wikitoria me ana uri e whanau atu iaia, nga whenua katoa i raro atu i Te Taitapu, ko te rohe i tenei whaitua ka timata i te wahi kua oti te ruri e te pakeha i Aorere, haere ki Onetahua me te Reinga taiawhio haere ki tera whaitua ki te Warariki, ki te Whanganui, ki Toiete te wakamutanga ki runga, ko te kotinga i reira te rohe, maro tonu mai i Toiere ma runga i te kaha ki Opu, ki tenei whaitua. Tenei ano nga ingoa a etahi kainga i roto i taua wahi e tukua ki te Kuini, Ara, ko Opu, Ko wakamarama, Ko te Rua o te Taniwha, Ko Waikato, Ko Tamatea, Ko Tongirere, Ko Pakawau, Ko te Motukatoa, Ko te Motuporoporo, Ko te Rae, Ko Mauku uku, Ko Taupata, Ko Motukaroro, Ko Puponga, Ko te Reinga, Ko Onetahua, Ko te Warariki, Ko te Angaanga, Ko te Nuroa, Ko Kaihoka, ko Matarua. Ko Manganuiawata, Ko Mangarara, Ko te Poroporo, Ko Onatauoro, Ko te Papa, Ko Meroiti, Ko Toiere, Ko te Whanganui, me era atu kainga i rotoi taua whenua kua hapa pea nga ingoa, me nga moutere katoa me nga awa katoa me nga wahapu katoa i taua whenua, otira ko te ahuatanga o aua whenua kua taia ki tetahi pukapuka kua honoa ki tenei pukapuka, Ko aua whenua katoa kua tuhituhia ake ki tenei pukapuka e wakaaetia ana e nga tangata katoa no ratou te mana o te whenua kia tukua atu nei ki te Kuini me ana uri e whanau atu i aia, me ana tangata ranei ka whiwhi ai tana mana mo ratou ake ake tonu ake. Na kua tuhia e Wiremu Kingi te Koihua me nga tangata Maori kua korerotia ake nei, kua tuhia hoki e te Retimana e ratou katoa o ratou ingoa ki tenei pukapuka, kia mohiotia rawatia ta ratou tino wakaaetanga ki nga tikanga katoa i tuhia i roto i tenei pukapuka.

Wiremui Kingi te Koihua x.
Tamati Pirimona x.
Pene.
Rawiri Watino x.
Wirihana.
Rawiri Puaha x.
Hohepa Tamaihengia x.
Hemi Kepa te Iti x.
Wi nga Manu
Maka Tarapiko x.
Ngapiko x.
Wi Taupanga x.
Henare
Puke kohatu x.
Te Teira x.
Epiha x.
Henare te Keha x.
Hoani Parana.
Horopapara x.
Nopera.
Karira.
Mohi x.
Wiremu Kanae x.
Hohaia.
Amio x.
Hohepa Tangarewa x.
Niutare x.
Te Waka x.
Matana x.
Te Kauhata x.
Te Pehi x.
Te Amo x.
Paremata.
Hemi Kuku.
Riwai.
M. Richmond, Superintendent.

I tuhia ano nga tangata i ta ratou ingoa i ta matou aroaro
Thomas Loyd Tudor, Clerk, Nelson.
Samuel Ironside, Wesleyan Minister, Nelson.
John Tinline, Sheriff and Native Interpreter, Nelson.