Enclosure No. 2 in No. 32.
Copy of receipt for £190 paid for claims in Massacre Bay, 23rd May, 1846, in conformity with Mr. Commissioner Spain's award.

Kia mohiotia e nga tangata katoa ki tenei pukapuka, Na ko tatou, Ko te Aupouri, o Takaka me Motupipi, Ko Ngaru o Motupipi, Ko Hoka o Tata, Ko Tuturau o Puremuaia, Ko Wiremu o Rangiata, Ko te Meihana o Takaka me Tamati Pirimona o Aorere, me etahi hoki kua tuhi tuhi iho a ratou ingoa ki tenei pukapuka hei tangata tatou no te Taitapu ki ta te pakeha tikanga ko Matika Pe (or Massacre Bay), e wakaae ana aianei kia whiwhi i a Tonare Tinikere Hekoea te tino Kai Wakawa o Wakatu i Niu Tireni i te ra i tuhi tuhia ai tenei pukapuka te tino moni erua rau e iwa te kau o nga pauna hei tino utu hei tino eanga mo a tatou totohetanga imua inanei, ki nga whenua katoa e mohiotia ana ki te ingoa o Matika pe (or Massacre Bay), me ia kainga me ia wahi kua oti te tuhi tuhi ano ki tenei pukapuka. Na no tenei utunga, Ko tatou, mo tatou ano, me tetahi o tatou mana ano, ko tatou hoki mo a tatou tamariki, me nga wakutupuranga amua ake nei, ki ta tenei pukapuka, e tuku ana, e mahue ake tonu atu ana i to tatou to tohetanga ki nga whenua katoa i huaina imua i wakaritea hoki e te Peina i waitohungia hoki te pukapuka o te ahua o te whenua ki tona ingoa ko tatou e wakaae ana aianei kia tuku i te nohoanga marie o aua whenua, ki te Kapane o Niu Tireni, ki a ratou tangata ranei e wakaritea ana ma ratou te whenua. Koia ra ko enei mea katoa e meinga ana e tatou tahi ki te tikanga o te wakaritenga o Wiremu Peina Hekoea te Kai wakarite o nga whenua. Na kona kia kitea nga page 308tuhituhinga o ia tangata o ia tangata o tatou i Motupipi i tenei ra o Mei te rua tekau ma toru i te tau o to tatou Ariki tahi mano waru rau wa tekau ma ono.

Ko nga Kai Kite o te tuhituhing a Ko te Aupouri x. o nga ingoa o konei me te utunga Ko Ngaru hoki o nga moni i korerotia i runga.