Otira, kei te pukapuka ahua whenua e mau nei te tino tohu me te tino ahua o te whenua o nga rohe ano hoki. A ko te whenua katoa me nga aha noa iho o ana whenua, e takoto ana i roto i enei rohe haunga ano te wahi i whakatapua mo matou e Mr. Mantell kua oti nei te tuku tonu atu. Ko te wahi tenei e whakatapua nei mo matou, ko te wahi whenua kei Koukourarata; ko nga rohe enei o taua wahi i whakaaturia ana e Mr. Octavius Carrington, Surveyor raua ko Mr. Mantell, ki a Apera Pukenui, ki a Himeona, ki a etahi atu o nga tangata c matou, a kua whaitohungia ki nga pou kua pania hoki nga pohatu i te Kokowai; e timata ana taua rohe ki te pou kei te rae ko Pariahineteata te ingoa, ka piki i konei ka haere mai nga pou i poua ai e Mr. Carrington, a tae ki te pou e tu ana kei te Watamaraki whiti tika atu i reira ki te Upokoohinetewai, a, haere tonu ma te hiwi o te maunga, ara, ma nga tohu ki Kakanui a heke iho i reira ma te hiwi ara ma nga tohu ki te wai tai ki Puketi; otira, kei te pukapuka ahua whenua o Mr. O. Carrington, Surveyor, te tino tikanga o taua rohe. Heoi, ko te whakamutunga rawatanga tenei o nga wahi e wakatapua mo matou i roto i te rohe mo Her Majesty the Queen of Great Britain, a ko taua wahi e whakaae ana hoki a Mr. Mantell, Commissioner, kia waiho hei whenua tumau iho mo matou mo o matou uri i muri iho i a maton ake tonu atu. E whakaae ana hoki matou kia kaua e hokona ki te Pakeha taua wahi kua oti nei te whakatapu tonu mo matou, kia kaua hoki e tukua he Pakeha ki taua wahi noho ai kia whakaae mai ra ano His Excellency the Governor. Ano e whakaae ano hoki matou kia waiho tonu mo His Excellency the Governor te whakaaro mo nga ara ruri nui, e whakaaetia amua e His Excellency the Governor, kia hanga kia takoto marire ki roto i nga rohe kua oti nei te whakatapu tonu mo matou. A ko nga mara katoa me nga kainga katoa e takoto ana i waho o te rohe mo matou hei tenei tau (1849), ano era katoa te whakarere e nga tangata Maori kia watea ai te whenua; haunga ano nga whare me nga mara kei te Whakaroi (Pigeon Bay), a koia tenei te tikanga tenei mo ana wahi, kei te Whakaroi (Pigeon Bay): Ko nga mara e ngakia ana inaianei e tupu ana te kai inaianei me ngaki marie i tenei tau, i tera tau ano hoki a hei te tau kotahi mano e waru rau erima te kau matahi (1851), me whakarere katoa aua mara me aua kaika e nga tangata Maori kia watea ai te whenua mo te Pakeha, kauraka hoki he mara hou e topea ki taua waha ki te Whakaroi (Pigeon Bay).
A mo to matou whakaaetanga pono rawa ki nga tikanga katoa i roto i tenei pukapuka tuku whenua kua panuitia mai nei ki a matou; ka tuhia o matou ingoa me o matou tohu, a mo te whakaaetanga hoki a Her Majesty the Queen of Great Britain, ki nga tikanga katoa i roto i tenei pukapuka ka tuhia hoki te ingoa o Mr. Mantell, Commissioner for the Extinguishment of Native Claims.
page break page break page break page break page 259I, Koukourarata i Port Levy, no te rua te kau ma rima, o nga ra o Hepetema, i tuhia tenei pukapuka (1849).
Apera Pukenui. Himion. Kauoma x. Te Warerakau x. Ipiku x. Wiremu Parata Te Atawiri x. Taoraki x. Waipuhuru. Te Ao x. Hapaikete. Rangiaupere. Tamakeke. By proxy by Apera. Iekapiti. By proxy by Apera. Wi Karaweko. By proxy by Apera. Kairakau x. Puehu x. Haimona Kaiparuparu x. Tamati Pukurau. Timaru Tiakikai x. Poharama Ruru x. Peneahi Te Pai. Hokokai x by Poharama. Ko Te Waipapa. Pohata by proxy by Apera. Tupeha x. Pirimona.
Witness—
25th September, 1849.James Egan.
Witness to the marks—
Octa. Carrington.Ko nga ingoa o nga kai-titiro—
Octa. Carrington.
James Egan.
Ngarongomate
Henere Kowa.
Walter Mantell, Commissioner.