Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

A compendium of official documents relative to native affairs in the South Island, Volume One.

Natanahira Waruwarutu to the Native Minister

Natanahira Waruwarutu to the Native Minister.

Ki a te Rahere (Minita o te mahi a te Kawanataka),—

Rapaki, Pepueri 1, 1866.

E hoa tena koe i ruka i au mahi whakatikatika whenua Maori, Pakeha hoki.

Tenei taku kupu ki a koe mo toku whenua mo Waihora, ekore e mutu taku mahi tuhituhi atu ki a koe ahakoa mutu tau mahi, tu atu he Kawanataka and ka mahi ano au ki a ia. Ina hoki ko te tua wha tenei o aku tuhituhitaka ki te Kawanataka. E hoa kia roko koe, ko te kupu a te Huperitini o Tautahi i tuhituhia mai nei e te Roretana ki au kai te he taua kupu e ki nei ekore ia e pai kia pakarutia te wai koi whakakino i ka rauiri tuna a te Maori. He kupu he rawa tenei, kai te pakarutia nei ano hoki i roto i ka tau katoa nei, ko te utu mo ka tarutaru kai te puta ke ki te Kawanataka. Koia i puta ai toku whakaaro ki te tuhituhi atu ki te taha Kawanataka, no te mea kaore hoki tera moana i riro i roto i te mahika a te Kepa raua ko Matara, kai a matou ano kai ka takata Maori. Ekari me whakaputa mai ano tetahi whakaaro marama ki a matau ki ka takata Maori, ekori hoki e pai kia rua whakapoheka i o matau kanohi. Ka mutu.

Na tou hoa aroha,
Na Natanhira Waruwarutu.

Kia a Te Rahere, Minita mo ka Maori.