Enclosure 1 in No. 1.
Ki a Pititera,—
Rapaki, 9th Hepetema, 1865.E hoa tena koe. Kua roko matou kua tu koe he upoko mo te Runaka i Akarana.
E hoa e Pititera tenei ta matau kupu ki a koe mo to matou whenua, mo Waihora; kua kite ano koe i taua moana e takoto i tua o ka mauka o Poti Kupa taua moana e mahia e ka Maori ki te tuna; inaianei kua hiahia matou kia utua taua whenua no te mea e ki ana te wai ka whakatakototia e te Kepa raua ko Matara ta raua utu, no reira raua i mahara ai kauaka he utu mo reira, inaianei kai te pakarutia tonutia te wai e ka Pakeha otira e te Kawanataka ko taua whenua kia teihana hipitia e ka pakeha kua kore te wai e waiho kia rua kia toru ranei fau ka pakaru ai kia ai ai he tuna ma matou: kaore kai te pakarutia tonutia e te Kawanataka hei utu moni mana. Koia matou ka mea nei me whakarite tetahi utu ki a matou ekore hoki e pai ki takohia kuaretia te whenua o tetahi takata e tetahi; ekari me whakatika te riteka mo aua whenua inaianei. Koia matou ka mea nei mau tenei korero e hoatu ki roto ki te Runaka Nui whakakite ai; no te mea kaore rawa tetahi pene, heipene, patene i takoto i a te Kepa raua ko Matara ki taua whenua [gap — reason: damage] rawa kore rawa. Koia matou ka mea nei me whakarite mai e koe tetahi utu mo taua whenua Ki te pai koe ki te korero a Natanahira ratou ko te Runaka Nui i Kaiapoi tuhituhia mai. Ki te kore e pai tuhia mai ano. E hoa e Pititera ekore e mutu te mahi n[gap — reason: damage]kia rite ano ka mutu ai.
Heoti ano.
Na Natanahira Waruwarutu,
Na te Runaka katoa o Kaiapoi.
Ki a koe E Pititera.