Collected songs and legends from the southern Cook Islands
E Tuatua No Te Au Ingoa Takurua Na Nga Ariki I Rarotonga Nei
E Tuatua No Te Au Ingoa Takurua Na Nga Ariki I Rarotonga Nei.
Tera te Takurua maata ko ta Makea. Tera te ingoa i taua Takurua ra, ko te Muri aa. Ko te Takurua tena e uipa ai nga mua vaka, ka ravi ei te peu tarekereka, te rere eva tipa, ko te ura, ko te tata ka ara, ko te rutu pau, ko te oro, ko te Moo, ko te ingo, koia te kapa, ko te kai i te kai, e kia ati taua au peu ra, ei reira e uri ei ki te kainga.
Ka ape roarai te au peu tarekereka i te rave ia i taua ra ra, e kia ati ia kua aere atura ki te kainga kua aere atura ki te Kari ei, kua rave atura i tera peu e tera peu. Tei roto i reira tetai peu viivii koia aki te akaturi, a te tane ki te vaine, e te akaturi a te vaine ki te tane, ko te tu ia i te akono anga i tei reira tuatau viivii e te akama. Tera tetai ravenga kino i taua, tuatau ra ko te noo puna rua, takitoru te vaine i te tangata akotai, taki rua ta tetai, takia ta tetai, ko tetai mea ia e tupu maata ai te pekapeka i te ngutuare, ko nga vaine te ka ta, ka ano ka tupu te taue tono maata i te ngutuari, ka ano ka maro i ta raua tane, ka manano tetai nana, ka pera rai tetai i te maro anga.