Other formats

    TEI XML file   ePub eBook file  

Connect

    mail icontwitter iconBlogspot iconrss icon

Collected songs and legends from the southern Cook Islands

E pee teia no te tama a Tamarua (i Ngatangiia)

[Note added by Bob O'Brien as transcriber:] E pee teia no te tama a Tamarua (i Ngatangiia)

E pee teia no te tama a Tamarua75, e tamaiti kua mate. No reira i tou a i taua pee ra no tona aroa.

1 Tamarua e, teia te ara i to tama i maka ai, ko te kiri kakara, i tia ai kua anoano te puke atua i taua tama, tiaia oki no te ariki i au ai teia enua ko Rarotonga e, taku Koruni76, noo mai te marama ko Tamarua, ka vaio taku rangi upoko e.
Tiki oro ki te Atua rangi e, ka teitei tiki ei te riri o te Atua i taua tama, kukina77 te rangi i runga nei ka tiki te tama a Tamarua ka maeva ake.
2 Te ara taito ra i akamoea, i akamoea te rue78 e akamoe e to tupuna mei onokutu, e te uru e, riri ia Tuikura, ia Amou, ia Iviroa, ia Aratumu, ana e. E Tautoru79 e tama e, to kotou reo Muaranga, na mua ia, e Tuterangi marama; Ukina atu kia rakei na, rekareka ia Rongovei reirie, e tiki tangata ko te pou mua, e te tama e, noou oki te vaka atua i akatenia e Te rangi maramarama, ki te rangi e kiriti ka ti ako te ua, te ka tai ka vaio taku rangi upoko e. Tiki oro ki te Atua rangi e, &
3 Matangi oro ra ki te Atu iti e, ki te Atu iti te rue, ki te Atu iti, ki te Atu Tonga, ki te tuu Atua i Avaiki ki te ei Atu no nga Atua. Teia te ua a te Atua, tei te Moana a kavii arau80 nei tu mua atu, tei muri mai e, tau ake te tere ki Mangaia, tei po atu ranga ia ko Vananga taae reirie, e aaki ana i to ingoa te Atua maraurau ko koe, koai, ko au ko tama, e e rai mai ta korua mei te moana ka ou atu ra tei uta e ravea akera te rito81 i mua i te are ariki i pou ana e, ka vaio a Tamarua mataiapo e, kia eva82 roa i tena tama kiriti ka tiaka te ua, te ko tai taku rangi upoko e. Tiki oro ko te Atu rangi e &