Collected songs and legends from the southern Cook Islands
Te Pee No Tarae; E Vaine (Atiu)
Te Pee No Tarae; E Vaine (Atiu)
xii Tera te tu i taua tuatua ra; e vaine kua takinga kinoia e tana tane, no roto i te vareae, kua tupu te riri o te tane. Kua ta atura i taua vaine ra e kua mate takiri. Kua riri te metua o taua vaine ra. Tera te mea i riri ei. E vaine eio roto i te ngai tutu, koia te aronga nunui o te uiua, nga ariki e nga mataiapo, koia ra, ko te tane, no roto ua aia i te ngai akaaka, ko te mea ia i riri ei te metua. Tera te pee o taua vaine ra.
1 "Mirimiri32 kakara e, te vaine i te tauranga, ko teia au, ka anatu e, kia tupiri kapiti ia e vaine, e tane kua tau ei korua.
2 Tere tere atu ei te vaka e kua uru i Tarapaku a harbour, e atua koia i uta e, ko koe e Vaerua: e tangata i te ara: ko teia ko Tauu, e Mataiapo oki no ngati Temario, Nivaka tei uta ka maeva tei tai. Akatapu ki mua, no Tangiia nui, e vaine teitei te upoko Taraekura, ko teia au ka ana tu e, kia tupiri ia e vaine e taue kua tau ei korua.
3 Tere, tere atu ei to vaka e, kua uru35 i to Tiko, e atua koia i uta, ki koe e Tangaroa, e tangata i te ava, ko Mutu nei Mataiapo oki no Ngati Tamaru Nivaka36 tei uta, ka maeva tei vai. Akatapu ki mua, no Tangiia nui e vaine teitei te upoko Taraekura, ko teia au ka auatu e, kia tupiri ia ai, e vaine e tane kua tau ei korua e.
4 Ko tere, e tere atu ei to vaka, kua uru koia i Turanga37, e Atua, koia i uta e, ko te Aoakomaru [unclear: Atua] e tangata i te ava, teia ko Takaiti, Mataiapo oki no ngata Tamaru Nivaka tei uta, ka maeva tei tai, akatapu ki mua no Tangiia nui e vaine teitei, te upoko Taraekura ko teia au, ka ana atu e, kia tupiri ia ai, e vaine, e tane kua tau ei korua e!
5 Ko tere, e tere atu atu ei to vaka e kua uru i [unclear: Ioro] varu38 e Atua koia i uta e, ko Terongomatakinuku e tangata i te ava, ko te akatauira, mataiapo oko, no ngati Tamaru Nivaka tei uta, ka maeva tei tai. Akatapu ki mua no Tangiia mu e vaine teitei, te upoko Taraekura ko teia au, ka ana atu e, kia tupiri ia ai, e vaine, e tane kua tau ei korua e!
6 Ko tere tere atu ei to vaka e, kua uru i Tumai39, e atua koia i uta e ko koe i Tangiia, e tangata i te ava, ko teia ko Kii nei, mataiapo oki no ngati Tamaru Nivaka tei uta, ka maeva te tai, akatapu ki mua no Tangiia nui e vaine &&
7 Ko tere tere atu ei to vaka e, kua uru koia Kopuatamonui 40, e atua koia i uta ko koe e Tangaroa, e tangata i te ava, ko teia ko Aumai,e mataiapo oki no ngati Tamaru Nivaka tei uta, ka maeva te tai. Akatapu ki mua no Tangiia nui e vaine &&
8 Ko tere tere atu ei to vaka e, kua uru i Matai 41, e atua koia i uta ako koe e Tangiia, e tangata i te ava, ko teia ko Tinokura, e mataiapo oki no ngati Tamaru Nivaka tei uta, ka maeva te tai. Akatapu ki mua no Tangiia nui e vaine &&
9 Ko tere tere atu ei to vaka e, kua uru i Oneroa 42, e atua koia i uta ko koe e Kaukura, e tangata i te ava, ko teia ko Paerangi, e mataiapo oki no ngati Tamaru Nivaka tei uta, ka maeva te tai. Akatapu ki mua no Tangiia nui e vaine &&
E vaine e tane kua tau o oki e.
Ko te apinga kino teia, ko te vareae. Na te vareae e akatupu i te riri e te manava kino, kua akakite ia te tu o te vareae Maseli XXVII - 4: ko te tu ia o te angaanga a to tangata e tupu ei te kino maata ki runga i te tangata.