Other formats

    TEI XML file   ePub eBook file  

Connect

    mail icontwitter iconBlogspot iconrss icon

Collected songs and legends from the southern Cook Islands

Spite

Spite

E tuatua teia no tetai tangata toa koia rai a Tutamaeva. Ko tetai ia ingoa o Uriarau. E ekai ta raua ko te Teaia. E tae akera ki tetai tuatau koia riro mai te rongo e na Teaia te umu Roroi. Te akakoro? ra taua tangata ra ka tiki aia ka keia. Kua tu akera aia i te maru aiai te aere ra e tae atura ki Ngatangiia. Kua po, kua uke taua umu Roroi ra. Kua tiki atura aia taua ata Roroi. Kua tari atura ki vao mei roto mai i te are, e kia pa ki tona rima, okotai ngauru Roroi. Ei reira aia e kapiki ei kia Teaia i roto i te are "Teiea koe? Teia au." Kua akarongo a Teaia i te ataata reo, e Tutamaeva. Kua rere a Teaia ki vao ma te mata keinanga. Kua arumaki kua rave a Tutamaeva i nga Roroi ki nga rima e rima i tetai rima, e rima i tetai rima. Kua oro i te ara, kua arumaki aere i te ara kare takiri i rokoia taua tangata e tae ua atu ki te ngutuare, te oki ra te tangata kare i tae ki te ngutuare ko te mate aea ratau no te mea e tangata toa aia. Ei tupuna naku. no Itio