Ko Nga Moteatea, Me Nga Hakirara O Nga Maori
TENEI ANO TE TUA, MO TE WAHINE
TENEI ANO TE TUA, MO TE WAHINE.
Tohi ki te wai, no Tu,
Whano koe,
Tangaengae.
Ki te mahi kai, mau,
Tangaengae.
Ki te whatu puweru, mou,
Tangaengae.
Ki te whatu kaitaka, mou,
Tangaengae.
Ki te karanga pahi,
Tangaengae.
Ki te waha wahie, mau,
Tangaengae.
Ki te keri mataitai, mau,
Tangaengae.
Me ho mai tangaengae,
Hei whakatupu tangaengae,
Mo te tapairu nei.
E ahua mai ra,
Te toro, i a Kiharoa,
Hei kawe rawa, i a au,
Ki te one, Rangaunu,
Kei te rerenga, ki te Po;
Ko wai au ka kite.