Ko Nga Moteatea, Me Nga Hakirara O Nga Maori
He Whakawai Taanga Moko
He Whakawai Taanga Moko.
E noho ana, e kai-tahi ana,
Ki te titiro, ki nga rewa
I te ihu, o Tutetawha,
E wekoki ana, me he peke ngarara.
Taia mai ra, ki te uhi a Mataora,
Taria, e tuku atu,
Ki to wahine, takiri karito kowhara,
Naku, koe i whakanako.
Te tangata, i te whakautu,
Kia ata whakanakonako;
Tangata, i te whakautu kore,
Kokoia, kia tatahi.
Patua i te whakatangitangi;
E hiki, Tangaroa !
E hiki, Tangaroa !