Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE KEKA

page 431

HE KEKA.

Aue,
Aue,
Kimikimi noa ana,
Rangahau noa, kei whea Tarakumekume ka ngaro nei,
Aua, kei roto kei te wharekura e titi huia ana,
E kapo ki te whetu,
E kapo ki te marama,
E kapo ki te ata o to tane,
Ka riro a Te Tope-o-Pikiao,
E ka rehua koe i te ata,
Te maunga taki mate nei Matawhaura,
Ka noho peto te Ipututu,
Kei runga kei te pitau e wheterotero ana te arero,
Ki tona okaoka ki te riri,
I tutaumahatia ki te peka,
Ka mana ai o karakia,
Ki te ika tukupunga,
Ki te au o te moana,
E te ki ko te waha.