Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WAIATA, NA NGATI-KAHUNGUNU

page 352

HE WAIATA, NA NGATI-KAHUNGUNU.

Taku turanga ake,
I te hihi o te whare,
Me te kai aowhia te roimata i au,
Aroha i mahuki ki te tau ka wehea,
Ka ngaro ki te tonga,
Naku koe i tuku atu i te mata raharaha,
I te rehia, i te harakoa e,
I te ringa toro, i te ringa horahora,
Na te waitohu i whiua ki a au,
Ka hei ra tau e te mate o tawhiti,
Nana nei kai kohi i aku kiko,
’Ore he papa e tutakina mai,
Aue kaha ai taua te haere.

E muri ahiahi,
Takoto ki te moenga,
Whakatoro ana mai ko to wairua tonu,
’A hewa au e tenei kei te ao,
Whanake te maha i a rau a Raro,
Me tangi atu koe te tangi o Rakaua,
Te tangi o Rikiriki kia hoki mai ai,
E hara koe i te tane he puhi koe naku,
Te ipo ki te moenga,
Naku ra i kau mai te awa ki Waikato,
Te ata tirohia i te hinapouri,
Huanga tonu au na Harihari-te-raro,
Na Te Raupare noho ana i Okaiokai,
Na Te Huhuti nau i kau mai,
Ko Hine-teko i te Rotoatara,
Aea ake ana ko Hine-hore ko koe,
Huanga tenei ka rite ki a au.