Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE TANGI, NA TAOTAO

page 332

HE TANGI, NA TAOTAO.

Taku morikarika,
Taku moteatea ki te hanga,
Tohu ake au e,
Kei te ora iho te niho riki e;
Tohu ake au,
Kei te ora iho te kopa roa e;
Tera pea koe,
Kei nga turanga tohu,
Te whati koe, e Whero,
I nga ringa nunui,
Nei ka he noa,
Koe ringa ware,
Koe ringa kuware,
Tena e te hanga e,
Nga ringa hei hapahapai atu mou,
I a Rangimaro e,
I a Rangitaumanu,
I a Rangipanoka,
I a Kura ra ia,
Taku mangai nui,
I waenga i te hono whakatangi pu,
I a Pakuhia e,
I a Ramaroa,
I a Kohi ra ia,
Ka purua ki te waha roa,
Ka rere ko te ringa ki te whare,
Ka papa,
Ka tangi te whatitiri e.