page 278

HE WAIATA, NA TAMAKU.

Kaore te turituri,
Te wani mai a te ngutu,
Paki atu te rau na;
Ko wai au e mania,
Heoi nei te tara,
Kei a au anake,
Kaore i whakarato,
Ki te rau e pae.
Whai kau atu ana,
Te takiringa hoe,
Nau na e Peke;
Hei kawe i a au.
Nga ngutu raihe,
O Tokaanu ra e,
Te hora aku paki,
Ko Tuhaha.
I haere te kanohi
Te oranga moko o Katikati.
Ma wai ranei e whakaheke ki,
Te puna ngahuru.
Ka tino waihape, au i konei,
Kei hurihia au, o te ia,
Ki Omoho ra,
Ka mutu au, te manako.