Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE TANGI

page 269

HE TANGI.

Kaore te mamae,
Ngau te po,
Ngau te ao,
Ngau te mata, ki taku kiri,
Kia ruku mai koe,
I te wai pouri,
Ki whano mauru ai,
Te aroha i au,
Ki taku taonga ra,
Mo taku hei piwhara;
I makere, ki te wai e,
Haere e te tau e !
O nui;
O wehiwehi, i waiho i te ao nei,
E waiho ana koe,
Hei hangahangarau, maku e,
Hei putiki ihu waka,
Mo nga iwi i te muri e,
Me whakairi koe,
Hei heke whare nui,
Hei kapoauahi, ko to tupuna,
Ko Tatau e,
Ka mate i reira,
Te tini o Maewahua e,
Tona tukunga iho,
Ko te whare ponaturi,
Ka ea ko te mate i a Hema na.