HE TANGI.

Tera Matariki,
Whakakau ana mai,
Ko Pehi pea e,
Tenei ka hoki mai,
Hoki mai e whae,
Kia tirohia koe,
O tahuritanga,
Hei mihi kau iho,

page 215

I miroia koe,
Ki te kahu o runga,
Ki te whakairo ra,
Nau e Kahungunu,
Ki te ra-rua-tere,
Nahana i ho mai,
I maunu atu ai,
Nga pou o Ngataiwhakarongo,
O te Tahawai,
Ka takoto kino kei te one i Rangaunu,
Te kai atu koe i a Te Urehakari,
I a Waiariki,
Hei poupou mo roto.