HE WAIATA.

Kaore te aroha, te wahi pu ake i roto ra,
Kia ringia, te puna i aku kamo,
E ai te taheke. Ka hei au,
Ko te kiri-amoko, te tirohia mai na,
Kataka ki roto nei, me he ao e rere atu ra

Wetewete atu ra, i o taua moenga,
Nau i ako, te kaihora wawe, e,
I whea koia koe i te tuatahitanga ?
Mekore te waka nei, te pakaru pea.

Hei a pihanga iti, te hurihanga,
I roto i te hinengaro, aroha;
Ho ake rawa nei, te ngakau whakahoki,
Ka miti whaiparatia na te tangata.