Ko Nga Moteatea, Me Nga Hakirara O Nga Maori
HE TANGI MO RANGIHIROA
HE TANGI MO RANGIHIROA.
Kaore te mamae, ngau kino ki te hoa;
I tiaria mai, to mata whakarewa, kia whakatauria,
Te uhi a Wharawhara; tena, ka riro kei te one,
I Matangi-te-uru, tou kawenga, e te toa;
Te ai he mahara ki te ao, whakarere rukaruka,
Te moenga i te wahine, rere a manu tonu,
Ki te hui mata-ngohi, kei hoki te ingoa,
Kia tarewa ki runga ra; e waiho ana koe,
Hei kohure i te iwi; ka ngaro noa, koa-nge,
’A Te Rangihiroa, na te po i here,
Kei to kahua, he roi i whiua ai koe,
Ki te aroaro no Irohanga, e-i.