Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WHAKAORIORI

page 115

HE WHAKAORIORI.

Aue!
Aue!
Panapana noa ana taku mea?
He whakahouhoutanga na to nuinga;
Kihai koe i ahua e to matua,
I mahia porirotia e au.
I hua mai ai koe, i roto i to moenga pouri,
Whakaputa e tama ki waho ra,
Kia tatahi o waewae,
Kia puta i a koe, ki te whakakapi turanga,
Kia whakawhiwhia e Tohe, ki te paraoa,
Kia uhia koe, ki te kahu o te Rawhiti,
Takapokai ana taku potiki te ara,
To eketanga, kei Whakaahu,
Ka kitea mai koe o papa,
Tu ana i nga tahi-tahi ki Wharemako ra,
Ko Rangawhenua kia hoaina, ki te korero o te riri,
E huri to taringa ki te rangi,
Ki te rongo toa i to tupuna,
E tama wairua kore naku, e.