[ko te tohutoro i roto i te reo Pākehā]
page 1
Niu Reitni.
Karaati Whenua Mo Mere Taka.
He Ture hei whakamana Tuku Whenua i Tauranga ki a Mere Taka he wahine Maori tuturu.
Notemea i runga i tetahi kirimene i tuhia i Tauranga i te tekau ma wha o nga ra o Pepuere, tau tahi mano waru rau waru tekau ma whitu, whakaae ana a Hapeta W. Paramena, te Komihana mo te Takiwa Whenua o Tauranga mo te taha kia te Kuini kia hoatu kia ono nga eka whenua Karauna e whakaaturia ana i roto i te Apiti e mau ake nei kia Mere Taka hei whakaritenga mo tana tuku kia te Kuini i tona mana me tona take katoa i roto i tera whenua i te Waikorere Poraka e takoto ana i Maunganui, Pei o Pereti, ko te rahi ki ta te kairuri e whitu tekau matahi eka me te koata eka; a ko ia ko Mere Taka kua oti te whakarite i te taha ki a ia o te kirimene kua haina i te Tiiti tuku kia te Kuini i taua poraka.
A notemea e tika ana kia whakamana te Kawana ki te tuku i te whenua e whakaaturia ana i roto i te Apiti kia Mere Taka hei whakatuturu i taua kirimene i hanga mo te taha ki a te Kuini:
Na ka meingatia hei ture e te Runanga Nui o Niu Tireni e noho huihui ana i roto i te Paremete i runga ano hoki i tona mana, ara:—
1. | Ko te Ingoa Poto o tenei Ture ko "Te Ture Kaarati Whenua mo Mere Taka, 1892." |
2. | Ka ahei te Kawana a tetahi wa i muri iho i te pahitanga o tenei Ture ki te whakahau kia tukuna he Karauna Karaati mo te whenua e whakaaturia ana i roto i te Apiti e mau ake nei kia Mere Taka me ona uri hei whakatuturutanga mo te taha ki a te Kuini i te kirimene kua whakamaramatia i runga ake nei. |
Apiti.
Ko tera whenua katoa e takoto ana i te Takiwa Whenua o Akarana ko te rahi ki ta te kairuri e 6 eka nui atu iti iho ranei ara ko te Tekiona No. 214, Parihi o Te Puna, Kauti o Tauranga. Ko te rohe ki te rawhiti whakararo ko te Tekiona No. 215, e 965 ringiki; ki te taha ki te rawhiti ma tonga ko tetahi huarahi o te katoa 100 ringiki te whanui; ki te kauauru-ma-tonga ma tetahi huarahi o te katoa 100 ringiki te whanui e 763 ringiki; ki te hauauru-ma-raro ma te Tekiona No. 216 tae atu ki te timatanga e 710 ringiki, nui atu iti iho ranei aua ringiki.
page break