Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Acts Affecting Native Lands, Etc. (In English and Maori), Passed by the General Assembly, Session 1892, 1893, 1897, 1898, 1899.

He Ture hei whakamana i etahi ota a te Kooti Whenua Maori

He Ture hei whakamana i etahi ota a te Kooti Whenua Maori.

Notemea i runga i nga ota a te Kooti Whenua Maori, o te 22 o nga ra o Hune, tau 1868, i wahia te whenua e mohiotia nei ko te Rahui o Waikouaiti, i te Takiwa Porowini o Otakou, e tae ana ki te rua mano iwa rau iwa tekau ma waru eka, nui atu iti iho ranei, i wahia kia wha nga wahanga, whakataua ana ia wahanga ki etahi Maori whaitake: A notemea, kua kitea i muri mai o te whakataunga o aua ota, tera e pa he mate ki te hunga whaitake, me ka mahia peratia te wahanga o taua whenua: A notemea i runga i te tono a etahi o nga Maori whaitake, i whiriwhiria ano e taua Kooti aua putake i te 26 o nga ra o Maihe tau 1887, wehewehea ana taua whenua, penei me tenei e mau nei i te kupu Apiti ki tenei Ture: A notemea e maharatia ana kihai pea i tino tika ki ta te ture te mahinga o aua ota o muri mai nei, a e tika ana kia whakamana aua ota i mahia i muri mai ra:

No reira ka meingatia hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—

1.Te Ingoa Poto o tenei Ture ko "Te Ture Rahui o Waikouaiti, 1892."
2. E meingatia ana ikonei kia kore atu, kia kaua e mana nga ota i mahia e te Kooti Whenua Maori i te 22 o nga ra o Hune tau, 1868; a ko nga ota e mau ake i te kupu Apiti ki tenei Ture ka meingatia he ota tika era a me whaimana ko era, ano i whaimana te Kooti ki te whakatau i aua ota, a me whakaputa me whakamana hoki aua ota, ano i whakaputaina tikatia i raro i nga tikanga o "Te Ture Kooti Whenua Maori, 1886."