[ko te tohutoro i roto i te reo Pākehā]
page 1Niu Tireni.
Ture Whakamana I Te Pootitanga O Te Taone Kaunihera O Taumarunui.
1907, No. 33.
He Ture hei whakakore i nga awangawangatanga e whaimana-ranei kaore ranei te Pootitanga o te Taone Kaunihera o Taumarunui.
Notemea i runga i tetahi Panuitanga i tuhia i te rna tekau ma whitu o nga ra o Nowema, kotahi mano e iwa rau ma toru, i tukua atu te Taone Maori o Taumarunui (a muri ake nei huaina ai ko taua taone) ki te Kaunihera Whenua Maori o te Takiwa o Mania-poto-Tuwharetoa i raro i nga tikanga o tekiona warn o Te Ture Whakatikatika i nga Ture Whenua Maori, 1902: A notemea i runga i tetahi Ota Kaunihera i tuhia i te tekau ma iwa o nga ra o Maehe, kotahi mano e iwa rau ma whitu, i kiia kua uru taua taone ki raro i nga tikanga o Te Ture Whakawhiwhi Mana Whakahaere i a ratou ki nga Taonehipi Maori, 1905: A notemea i mua atu i te ra i tuhia ai taua Ota kaunihera i tahuri te Kawana, i runga i te kiinga e mahi ana ia i raro i nga tikanga o taua ture whakamutunga i whakahuatia ake nei, ki te whakahau kia pootitia he Kaunihera mo taua taonehipi: A notemea kua ara ake etani awangawangatanga mo te whai-mana-tanga o taua pootitanga, i te mea i whakahaerea i mua atu o te ra i tuhia ai taua Ota Kaunihera kua kiia ake nei, a e tika ana kia tahia katoatia atu ana awangawangatanga:
1. | Ko tenei Ture me hua ko te Ture Whakamana i te Pootitanga o te Kaunihera o te Taone Maori o Taumarunui, 1907. |
2. | Ko te Kaunihera i pootitia mo te Taone Maori o Taumarunui i te tekau ma rima o nga ra o Mei, kotahi mano e iwa rau ma ono, ka kiia he Kaunihera i pootitia i raro i nga tikanga o te Ture page 2Whakawhiwhi Mana Whakahaere i a ratou ki nga Taone Maori, 1905, me te whai-manatanga i te pootitanga, o ia mahi kotahi ranei a te Kaunihera i pootitia peratia, e kore e ahei kia tawaritia i runga i te take kaore i whakaritea nga tikanga o tekiona rua o taua Ture i mua atu i te ra i tu ai taua pootitanga. |
3. | Ko te Kaunihera o te Taone Maori o Taumarunui, ara i runga i tona aronga ki taua taone, kua panuitia i konei he ropu takiwa i runga i te tikanga me te mana o te Ture mo te Ora mo te Katoa, 1900. |