Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Acts Affecting Native Lands, Etc. (In English and Maori), Passed by the General Assembly, Session 1907.

1907, No. 54. — He Ture hei whakatakoto tikanga mo te whakawhitiwhitinga o etahi whenua Karauna mo etahi whenua Maori

1907, No. 54.
He Ture hei whakatakoto tikanga mo te whakawhitiwhitinga o etahi whenua Karauna mo etahi whenua Maori.

[20 o Nowema, 1907.

Notemea i roto i etahi tau kua taha ake nei e nohoia ana e etahi Maori etahi wahi o nga whenua Maori i murua i runga i te raupatu, i te takiwa o Waitotara awa, a kua mahia e ratou ana wahi, a kua whakatu whare hoki ki runga: A notemea e tika ana aua whenua e nohoia peratia ana kia karaatitia atu ki aua tangata e noho nei i runga, hei whakawhitiwhiti mo etahi whenua Maori o aua kai-noho: A notemea kua mahia he kirimene pera i waenganui i te Karauna me nga Maori e paangia ana:

Na reira kua meinga hei Ture e te Runanga Nui o Niu Tireni e noho huihui ana i roto i te Paremete, a i runga ano hoki i tona mana, ara:—
1. Ko tenei Ture me hua ko te Ture Whakawhitiwhiti i Bangitatau Poraka, 1907.
2.
(1.) Ko te whenua e whakaaturia ana i roto i te Kupu Apiti Tuatahi ki tenei Ture kua tau i tenei Ture ki te Karauna, a kua watea i nga whai taketanga, i nga taitara, ne nga whaipaanga katoa i tau ki nga Maori no ratou taua whenua, ki tetahi atu tangata ranei.
(2.) Ko taua whenua me whakahaere me tuku i raro i nga tikanga o te Ture Whenua, 1892, me ona whakatikatikanga.
3.
(1.) Hei whakawhitiwhiti mo te whenua Maori kua tau pera ki te Karauna ka ahei te Kawana ki te karaati atu i te whenua Karauna e whakaaturia ana i roto i te Kupu Apiti Tuarua ki tenei Ture, ki nga Maori no ratou nga whenua e whakahuatia ana i te Kupu Apiti Tuatahi ki tenei Ture, i runga i nga eka me nga hea e maharatia ana e te Kawana e tika ana hei whakatutuki i nga tikanga o te kirimene kua takina ake nei, a me taka ki raro i nga here arai tuku katoa e whakataua ana e te Kawana.
(2.) Ko ta te Kawana i whakatau ai mo ia o nga hea me nga eka tera e tuhaina tera e karaatitia peratia, tae atu ki nga tangata e tika ana kia whiwhi i aua mea, hei whakaotinga tuturu tera.